近日有傳來季有機會接掌車路士嘅前拜仁嘅荷蘭籍教頭雲高爾，1年前被拜仁炒魷之後，一直冇嘢撈；被提前解約嘅雲帥，早已獲得拜仁方面賠償，不過原來解約賠償條款其中一節仲列明，如果拜仁順利於今屆搞掂車仔，喺歐聯封王，雲高爾更會額外得到50萬鎊；橫財當前，相信雲高爾今晚一定會瞓晒身撐拜仁捧盃。