羽翹一向對美容甚有心得，早年在網上自拍短片教人化妝及揀選化妝品，獲得不少迴響，早前她再進一步，投資六位數字開拓自家化妝品牌，雄心壯志的羽翹坦言要成為圈中的美容女王！
女為悅己者容，最近與羅力威傳緋聞的羽翹一向在網上教人化妝扮靚，早前她更斥資六位數字，與友人合夥成立自家化妝品牌，首批出售的便是一套六支的化妝掃。
對前景甚有信心的羽翹說：「其實只要呢批貨賣出一半已經回本，所以我對呢盤生意都好有信心。嚟緊仲會同唔同嘅品牌合作，希望可以更加多元化。」她表示籌備化妝品牌花上一年有多，從中覺得做生意這門學問比她想像的還要艱深，她說：「今次第一次搞生意，開頭都諗住好簡單，點知原來有好多文件同牌照要準備，如果唔係有個partner，都搞唔掂呀。」
打盡人情牌
有否叫老闆蕭定一入股？羽翹笑說：「老闆都唔會理我啦，佢信我唔過！」會否因專心打理生意而減少幕前工作？她坦言一定不會，羽翹說：「梗係唔會，其實今次我只係負責出錢同埋試吓產品，其他主要都係partner搞，始終娛樂圈先係我嘅主業，今次投資當係副業。」會否打盡人情牌叫圈中好友代言品牌？羽翹說：「會呀，我想搵蝦頭（楊詩敏）代言，我覺得佢啱代言化妝品。」可考慮找羅力威代言？羽翹尷尬地說：「佢係男仔，好似唔係咁啱，不過每個朋友我都會送啲化妝品畀佢嘅。」
採訪：文國駿 攝影：仇志德