熊黛林（Lynn）早前默認收了郭富城的三卡鑽石戒指，距離成為真正城嫂似乎不遠。城城經理人小美一向關注城城新聞，Lynn前晚出席活動時拒再提婚事，又吐苦水謂又被指摘高調，表示有人向她講了不少難聽的說話。
劉嘉玲、熊黛林、林保怡、Angelababy、余文樂和黃偉文等，前晚在灣仔出席藝術展晚宴。Lynn早前默認收到郭富城的三卡鑽戒，前晚她卻表示不想再講：「我想澄清番，唔想每次回應都好似好無聊同誇大咁，我家好恐懼，提到結婚戒指就嚇親，費事出面啲人話我高調。」
嘉玲唔吼艾未未
Lynn否認是城城詐型，問是否城城的身邊人？她咿咿哦哦說：「又……又唔係，總之有人啦，我覺得好寃屈，有啲人唔知發生乜嘢事，又接受唔到個答案，所以啲說話有啲難聽。我講少啲，答少啲好啲。」她表示爸爸身體已轉好，問城城有沒有慰問？她說：「有呀，佢有心，佢係一個好男仔。」
同場的劉嘉玲坦言近年有留意藝術品，較欣賞當代藝術家的畫作和雕塑，並指李亞鵬不時有介紹，又說：「偉仔（梁朝偉）就鍾意傢俬、玉石，佢都有買酸枝。」問她可有留意艾未未的作品，她表示不知風格，當聽聞以政治色彩為主後就表示沒興趣。
至於林保怡因連日趕戲而戴墨鏡遮倦容，記者指他造型十足內地維權律師陳光誠，他一頭霧水說：「我去咗內地個幾月，冇留意新聞。」
採訪：梁錦雯 攝影：陳俊強