近日娛樂圈接連發生風化事件，曾捲入風化傳聞的梁烈唯獲悉最近有女藝人懷疑被強姦，他昨日說：「發生咁嘅事梗係唔好啦，如果真係有呢啲風化案發生而有人報咗警，係冇咁容易銷案。」他因此覺得沉寃得雪。至於鍾嘉欣雖曾與涉案音樂人合照，但她對此人全無印象。
梁烈唯、陳智燊、鍾嘉欣、黃浩然和李思欣等昨日為無綫新劇《幸福摩天輪》在將軍澳電視城試造型，眾女藝人均造型密實，惟獨李思欣以背心熱褲亮相，增添不少夏日氣息。
早前捲入風化傳聞的梁烈唯，談到近日有女藝人懷疑被強姦一事，唯唯說：「呢排真係好旺盛，發生咁嘅事梗係唔好啦，不過由我嗰個荒謬嘅傳聞，到今次呢個好切實地有件事發生咗，當事人報咗警，個天都好似幫我澄清咗呢件事。」
鍾嘉欣錄歌即走
唯唯續說：「因為有某部份嘅市民會覺得我有做過，話公司幫我冚住呢件事，仲話有掩口費。今次呢件事可以畀人睇到，如果真係有呢啲風化案發生而有人報咗警，嗰個處理手法好唔同，只要報咗警，係冇咁容易銷案，今次終於沉寃得雪，希望嗰個女仔可以快啲攞番個公道。」是否認識這位女藝人？唯唯說：「我真係唔識。」
同場的鍾嘉欣被指曾在案中的錄音室錄音，她說：「我之後都有問唱片公司嘅同事，究竟我有冇去過，我先知初初做歌手嗰兩年係有去，好似《勁歌金曲》啲綵排，不過我啲同事話我唔認識佢，我自己對佢都冇印象，因為我次次做完即刻走。」此外，首度擔正的陳智燊坦言覺得像在新學期升了級，感覺緊張和期待。
採訪：何慧斯
攝影：陳志嵐
