無綫新劇《心戰》將於下周一（21日）推出，昨日眾演員在石硤尾出席宣傳活動，談到丁蟹效應再度影響股市，秋官表示以前一直不相信，如果今次再跌，會趁低吸納。坊間又指有份演《大時代》方展博的劉青雲，有新片上映，結合丁蟹，震動股市。
戚其義和周旭明聯手炮製的無綫新劇《心戰》，昨日在石硤尾舉行宣傳活動，陳豪、鄭少秋、黃德斌、邵美琪和陳茵媺等均有出席，雖然陳豪與陳茵媺已經公開戀情，不過他們仍表現避忌。
坊間盛傳鄭少秋的丁蟹效應萬試萬靈，每有新劇推出，股市必定插水，秋官談及此事時從容笑說︰「以前我都唔信，如果今次真係跌，呢次我一定會信，仲會趁低吸納入市。以前就係咁多次都唔信，所以到家都未發囉！」坊間更指正有新片《追凶》上映的劉青雲，也帶出「方展博效應」，雙管齊下，昨日股價大幅波動，恒生指數昨午收巿19259點，下挫634點，跌幅達3.19%。
激咀要備案
談到首播的主題曲片段，可見秋官與邵美琪有激咀場面，秋官說︰「咀得正唔正？直頭好激喎，我返去又要備案，本來我講咗唔得，而且又唔係好鍾意，不過監製又好認真，咪做番演員責任。」秋官大讚邵美琪是好好的對手，大家拍的時候已經溝通好。邵美琪笑說︰「我戲又唔夠秋官好，對白又唔夠佢搶，惟有靠呢樣囉！拍嗰陣都幾尷尬。」問到事前有否備案，她說：「咁又唔使，都係工作，如果唔鍾意咪下次借位囉。」
此外，對於昨日爆出的女藝人被姦案，陳茵媺說︰「唔只女仔，男同女都要小心。平時我都好少去夜街，鍾意留喺屋企嘆紅酒。」出夜街陳豪是否陪伴在側？她說︰「總之出街會搵相熟朋友。」同場的何傲兒亦說︰「今朝有人問過我，我只係同事主一樣都係23歲，做女仔同男仔獨處要小心，要識保護自己。」
黃德斌被問到有男藝人涉及裸照事件，問他有否試過被高價邀請，他說：「冇喎，以前拍《火舞黃沙》試過有人問，但係我覺得自己都唔係咁fit。」
採訪：何慧斯
攝影：葉君海