唔少藝人都會創業挑戰自己營商理念，高皓正同何基佑噚日喺元朗間燒烤小食店正式開張，佢哋仲搵嚟好友關心妍、周永恆、梁雨恩同葉文輝等撐場，關心妍帶領大家祈禱希望事事順利，高皓正仲話：「投資咗30幾萬，希望可以喺一年內回本，因為市區租金貴，所以咪揀元朗區試業。」何基佑透露由籌備到開張都冇爭拗。