草蜢嚟緊會再為無綫主持綜藝節目，噚日佢哋接受數碼電台訪問，蔡一智、蔡一傑同蘇志威透露喺度籌備中：「節目大概7月出街，呢個節目都係老少咸宜，大人細路啱睇。」草蜢上次主持《華麗明星賽》收視理想，可謂收視保證，草蜢話：「都係靠台前幕後所有人努力，今次係上次節目升級版，最緊要大家睇得開心。」