帶病在身的容祖兒昨日去新城接受節目《娛樂旗艦店》訪問，主持之一的路芙特意送上兩隻花蟹予愛吃海鮮的祖兒，不過祖兒接花蟹時卻不慎倒翻膠袋內的蟹水灑濕上衣。
冇電話難生存
一臉倦容的祖兒，表示自己流感仍未清：「我想等自己自然好，所以唔食藥，但噚晚瞓覺時我咳到幾乎窒息，當時真係好驚，所以家都係乖乖食西藥。」說到日前被本報拍得她跟媽媽及公司同事茶聚時只顧玩手機，祖兒即解釋說：「當日係位駐北京嘅同事返咗嚟，所以就小聚片刻，其實家邊度有人唔玩手機，冇咗電話真係生存唔到。」祖兒更大讚記者眼利，看出當日同行的朋友與其髮型相似：「真係要讚吓，當日五個人入面有三個真係同一個髮型師。」
採訪、攝影：譚倩宜