熱火周日晚對溜馬嘅次圈第一戰，「大帝」勒邦占士（圖）喺主場球迷面前捧起MVP獎座，咁高興又點可以唔以贏波延續氣氛？所以佢同獲迪以表現肯定溜馬冇機會爆冷奪得系列賽首勝，占士入咗全場最高32分，同搶咗15個籃板；而好兄弟獲迪就攻入29分，助球隊以95:86擊敗全程緊咬佢哋嘅客隊。溜馬主將格蘭加命中率得一成，只入7分，曳咗啲喎。