宅錄：奪獎戶外枱椅　玩一體雨篷

夏日炎炎，最好的活動就係同三五知己，在家中個花園露台曬吓太陽，游吓水、搞吓Party！不過你屋企花園被日曬雨淋嘅家具，仲見唔見得人？係時候換一啲曬得又睇得嘅戶外家具招呼朋友喇！

記者：陳家蕊
攝影：楊錦文
Model：Ava、Daren、Chelsea@PureModels

家具戀上植物

■HopperShade$53,470/a、TableSet$79,450/a

喜愛戶外家具嘅人，一定同樣喜愛大自然！但須知野外與摩登家居其實好難兩者並存，取得兩者中間點，惟有超卓的設計。
MOMA這張有流暢線條外表的室外用膠枱，結合了一個花盆位置，簡單地就注釋了時尚，型格與環保的生活品味。
另外，由緬甸柚木製成的GreenWall，通透流線型設計的綠化裝飾牆，擺放不同類型盆栽，用作間隔花園的位置最適合不過。

■（VondomMomaTable&Stool枱$9,369/b、高椅$3,600/b）枱上直接有位置放上花盆或直接種植植物。

■（GreenWall$7,800起/b）花園綠色佈置，讓你有如置身於大自然中！

慳啲地方枱椅

當然知道香港寸金尺土，唔係每個人都有大大花園以及大大個露台，但在家中的戶外範圍，放上數張椅子，飯後與家人賞一賞月也不錯。而一張特別的戶外椅可能令你更增情趣。
巧妙地結合折叠式家具及實用性的FluxChair，像摺紙一樣，可以自己組裝，拆開後摺起來的厚度，簡直與畫板無異，實際重量不過是4.3公斤，但輕巧的設計卻能夠承受160公斤，玩得又實用！
都知好多人鍾情藤椅，NewportChair則有別於一般傳統藤織傢俬，完全擺脫傳統笨重感覺；換來的是簡潔、高貴，及把多張椅子叠起的大量戶外空間。

■（NewportChair$1,800/a）輕巧外形，放小露台最理想。

■（FluxChair$2,090/a）摺紙一般的戶外椅，充滿玩味！

■（舒適椅$299.9/c）膠椅保養簡單，顏色又夠Sharp醒！

■（HÖGSTEN椅子$650/c）手織塑膠藤，與天然藤相似但更耐用！

簡潔框框　伸縮雨篷

講到要見得人，喺設計上一定要夠特別！獨家代理多個國際知名家具品牌、專售戶外家具嘅EverythingUnderTheSun，就引入來自比利時的國際家具設計大師DirkWynants的作品，其中威震國際，獲得2011年度六個設計獎項，包括德國RedDotAward、iFAward、美國的IdeaAward、比利時HenryvandeVeldelabel等等的HopperTable&Shade，就真係唔買都要欣賞一下。
佢混合不銹鋼框架與高科技亞克力板的設計，除了整體一致之外，喺實用性方面，仲做到防水又防銹蝕；而且市面亦很少戶外桌，窩心如佢、竟玩埋連雨篷設計；而且呢個雨篷，仲加入點點「燈罩概念」，佢可因應太陽照射嘅角度、再調校闊度，加上配上極簡潔的運作，在打開和關閉時毫不費力，也不佔用額外的空間，與戶外舒適的環境極度和諧配合。