衞蘭（Janice）於7月在九展StarHall舉行兩場音樂會，昨日在中環舉行記者會，她指公司原意為她在紅館開騷，但她較喜歡StarHall，因可與觀眾拉近距離。
戥衞詩開心
問到會否請前度男友捧場？Janice說：「如果佢想睇，我會請佢嚟睇，大家仍然係朋友。」可會向公司提議請妹妹衞詩上台合唱？Janice吞吐地說：「公司實知道我會想，但佢哋想我做番自己要做嘅嘢先，睇吓有冇機會。」
早前衞詩傳出將與男友結婚，Janice承認他們有此打算：「未決定幾時，佢男友家喺美國。」她又不介意被妹妹爬頭結婚：「佢遇到好男仔都戥佢開心，相信我嗰個都好快出現。」可會叫衞詩介紹男仔？Janice笑說：「唔會喇，要遇到嘅就遇到。」
採訪：王連連
攝影：黃偉雄