前晚英格蘭超級足球聯賽踢最後一輪認真扣人心弦，曼城喺補時階段贏波踢走曼聯捧盃，令唔少圈中曼聯粉絲心碎，李克勤喺微博話愛隊喺最後5分鐘俾人分出勝負，覺得好殘忍，不過佢話以曼聯今年嘅人腳，老嘅太老，嫩嘅太嫩嚟講能夠戰到最後一場，都仲有爭標希望，都算收貨。而黃日華就認同波係圓嘅，袋咗個盃都跌得番出嚟，佢話證明冇嘢係冇可能。