塞爾特人上周六同76人上演東岸次圈第一場，主隊一開波就已經落後10分；不過之後慢慢追返上嚟，第4節仲反超前，最後以92:91險勝。朗度呢場又再「大三元」，做出13分、17個助攻同12個籃板球嘅紀錄，不過呢場佢再威都唔及得加尼特（右），因為呢位即將36歲嘅猛將，今場攻入29分同搶咗11個籃板，再一次證明年齡只不過係一個數字。