郭富城鍾情長腿女模喜好，由他與熊黛林相戀多年可知。前晚城城於北京公幹回港有艷遇，在機場遇上同機的法國時裝品牌JPG繆思、易服男模AndrejPejic，城城即主動搭訕，並邀請長腿熱褲美少女打扮的Andrej合照。城城身高5呎7吋，Andrej6呎2吋，兩人合照相映成趣，城城欣賞Andrej造型正，大讚他擁有一雙美麗長腿。
郭富城前日在北京鳥巢以代言人身份出席腕錶活動，晚上即與小美等工作人員趕夜機回港，湊巧與在北京出席JeanPaulGaultier騷的澳洲籍易服男模AndrejPejic同機。
「條腿好靚」
一身黑tee、戴上賊仔帽型仔look的城城落機步向海關之際，碰到身穿黑皮褸、熱褲美少女打扮的Andrej，即小粉絲上身，邀請Andrej合照。正趕轉機返紐約的Andrej表現友善，停下來與城城合照，5呎7吋高的城城站在身高達6呎2吋的Andrej身旁時，高度懸殊，相映成趣。
記者上前問城城之前有否見過Andrej，他說：「冇，第一次見，知佢係邊個，好欣賞佢，佢啲造型好正，條腿好靚。」20歲的AndrejPejic擁有塞爾維亞血統，憑冶艷女性、雌雄莫辨的打扮殺入模特兒行業，去年反串為法國品牌JPG行高級訂做服時裝騷熱爆，即被《FHM》雜誌選為百大性感美女，在models.com男模組別排第18位。
食飯冇預Lynn
此外，城城、楊采妮及嚴浩昨日在觀塘宣傳《浮城》電影，城城在活動中以戲中蛋家人口音搞氣氛。城城透露早與母親慶祝了母親節，他說：「今晚都會同屋企人食多次飯。」記者問到有否預女友Lynn（熊黛林），他笑說：「乜Lynn，都係同屋企人，冇其他朋友，仲有之前喺北京活動收咗鑽石女裝錶，都會送畀媽咪。」
採訪：盧妹、魯萍
攝影：仇志德、魯萍