曼城未攞冠軍，先掃大獎！曼城隊長高柏尼（左）勇奪今季英超最佳球員，而門將赫特（右）就攞金手套獎，佢哋幫球隊成為英超失球最少嘅球隊，家仲排緊榜首，奪標機會高唱入雲，都可以話實至名歸。至於紐記領隊柏度就拎咗最佳領隊，佢最抵讚嘅係買人，舊年以蔗渣嘅價錢簽咗卡比耶、賓艾化同丹巴巴亞，但踢出燒鵝嘅水準；季中買入嘅柏比斯施斯極速融入球隊，下半季係咁入波。