法國品牌Dior前晚贊助香港芭蕾舞團在演藝學院舉行周年ball，賭王千金何超瓊、張天愛與女兒邢嘉倩和黃偉文（Wyman）等支持。超瓊與妹妹超鳳說：「母親節會喺屋企同媽咪慶祝，媽咪身體好好，爹哋就第二日先嚟。」張天愛則說：「好早同囡囡慶祝母親節，個女唔注重物質，平時一齊出街行好耐都冇買嘢，我又唔會問佢拍拖嘅事。」
Wyman買禮賀千嬅
Wyman提到近日不少歌星好友生B榮升父母，他笑言可以提供免費改名服務：「最想幫蘇康（蘇永康）改，諗好成20年，可以叫sofar或者sogood。」對於千嬅618預產期，Wyman說：「禮物不嬲都準備好，嗰日出世有PaulMcCartney（保羅麥卡尼）同白龍王，所以預計千嬅都會生個白龍王。」
採訪：林嘉慈 攝影：陳志嵐