黎諾懿本來情傾楊怡，可惜神女無心，轉頭情投肌肉男羅仲謙，黎諾懿即刻去媾女，仲一擊即中。噚日黎諾懿喺新蒲崗宣傳無綫新處境劇《愛．回家》，自爆有個拍拖六個月嘅圈外女友：「係朋友介紹，佢好好，好斯文，性格好好，呢啲都係講緣份。」佢又話已見家長：「結婚就唔急，阿哥結咗婚，細佬生埋，所以阿媽冇催，佢掛住湊孫唔理我喇！」