薛芷倫：復合對仔女好

60歲法國老頑童設計師JeanPaulGaultier首次去北京，前晚帶了靈感女神、「雌雄同體」男模AndrejPejic在朝陽區舉行2012秋冬騷，Andrej穿男裝打頭陣，再以JPG性感晚裝壓軸，兩人見傳媒時更鬼馬又攬又錫，盡顯JPG頑童本色。

薛芷倫對鋒芝離合，坦言重新相愛是理智與情感的掙扎。

謝婷婷（左）和世界小姐張梓琳（右）同以白色長裙在北京捧JPG，婷婷性感力壓張梓琳。

（左起）黃奕、黃耀明、黃偉文和李宇春，前晚在北京一齊睇騷。

群星朝拜JPG

JPG坐鎮，粉絲謝婷婷、黃耀明、黃偉文（Wyman）、任達華及妻子琦琦等上京朝拜名師食飯、睇騷，JPG更在Wyman的衫上簽名，Wyman說：「識咗十幾年，第一次喺倫敦街頭見到要求合照被拒絕，後來JPG又走番嚟叫我，係整蠱我，去年又重遇，今年再見。」黃耀明指達明一派早在1988年「禁色」演唱會，自己已着JPG大褸，而任達華前晚穿開衩裙露腿，被琦琦笑似J.Lo。
薛芷倫和前夫、大生銀行後人馬清偉離婚後也關係好好，被問到霆鋒栢芝離離合合，她說：「香港名人、明星圈未試過離咗婚又復合番嘅，睇吓邊個係第一pair囉。」她坦言聽到新聞也感觸：「復合嘅話，理智上對仔女好，有完整家庭成長，但感性上，對方做過一啲唔好嘅事，原諒係容易，但忘記呢樣嘢就好難，重新戀愛係好高層次。」
採訪、攝影：葉雪

JPG（右）和反串的男模AndrejPejic完騷後咀嘴，十分鬼馬。