下月29歲生日的吳浩康（Deep），04年因藏毒而留案底，事業險毀於一旦，又曾涉在夜店打人，不過近日Deep又再惹事，昨日有讀者爆料指Deep在灣仔街頭醉酒發癲，更當街鬧的士司機兼隨街小便，形象直插谷底。
楊受成投資的酒吧前晚在灣仔開張，吳浩康、古巨基、成龍和張家輝等畀面捧場，不過一向紀錄麻麻的Deep在現場喝了不少酒，更有讀者投訴他昨日凌晨2時在灣仔街頭醉酒發癲，四圍跑鬧人兼隨街小便。
內疚向司機道歉
昨午仍在睡夢中的Deep接受電話訪問時，坦白承認醉酒鬧事，他說：「的士大佬好有禮貌問我有冇出碟，我竟然好惡鬧『關你鬼事』，因為好急好急，我仲想喺的士入面小便，好彩我都知自己飲醉好易出事，叫咗個fans送我返屋企，好彩佢㩒住我唔畀我小便。」
Deep表示要向的士司機道歉，他說：「好內疚，我要向呢位的士大佬講對唔住，人哋只係出於關心，我就鬧人，係我唔啱。」會否決心戒酒？他坦白說：「唔會，戒酒只係逃避，係要學控制自己情緒。」他的前度女友莊思敏亦勸他說：「佢真係要學吓控制情緒，不過佢嘅事已經唔關我事。」
告東尼摸中女臀
另外，前晚著名練馬師告東尼、趙世曾等都有出席酒吧開張，已婚的告東尼在場與一中女大跳辣舞，只見狀甚享受的告東尼手觸及女伴的臀部，更肉緊地親吻她的臉，可見關係非淺。
此外，穿上短裙的鍾舒漫坐下時露出桃紅色內褲，她自爆飲醉酒曾試過捉住陳偉霆講支持你，但未試過向男生示愛。而近日拍被打戲的陳偉霆自爆日前打親氣管，更當場休克了幾秒，要入急症室，至於女友蔡卓妍是否感到心痛？他說：「呢輪冇見面。」
採訪、攝影：李珮洳