徐子珊噚日喺荔枝角出席母親節活動，佢話媽咪同家姐喺台灣，所以要等媽咪返香港先可以食飯慶祝。徐子珊話日前買禮物時打畀媽咪問佢想要乜，媽咪竟然唔客氣話折現，徐子珊話：「我估唔到佢咁現實，年年我都買禮物畀佢，今次佢開到聲，就改封大利是啦。」另外徐子珊下星期去澳洲做嘢，但因為時間緊逼，唔可以留低玩幾日輕鬆吓。