【本報訊】發展豪宅為主的太古地產（1972），近年吼準「巨型」豪宅需求，將前身為大班屋的東半山司徒拔道53號，重建為新落成OPUSHONGKONG（下稱OPUS）豪宅。項目除傳呎價高見8萬元外，更盛傳每方呎管理費高達9元，以每伙達6000方呎單位計算，每月管理費已達5.4萬元，勢成全港最「豪」管理費豪宅。
記者：高淑嫻、湯家明、石永樂
超豪管理費貴在何處？這便要曾去睇樓的富豪解畫。「OPUS令人感覺似住在一件藝術品裏面，管理費是貴，主要貴在保安系統方面，據講是參照獨立屋的保安模式。」一名曾參觀OPUS的人士指出，用數億買這類分層豪宅一定注重保安及私隱度，並非在乎會所設施，「室內有6000呎，自己想放任何設施都得啦，而且亦不會想同人共用會所設施」。
他對OPUS的印象相當不俗，盛讚室內有360度無敵景，「唔係山景就係海景」，「就連工人房都有全海景及套廁」。他打趣說，在這個樓盤做傭人都擁有相當理想的居住環境。
每呎管理費達9元
另一名睇過樓的富豪表示，「OPUS個盤地段確實優質，雖然是分層，但發展商包裝到好似獨立屋咁，加上其保安同管理質素都好好，又有直到屋企，私隱度夠高，感覺安全過house（獨立屋）。」至於樓盤無甚設施，「係呀，主要得兩個唔游得水嘅嬉水池，同埋地下個健身室。」不過富豪表示，同區樓盤同樣都沒有設施，所以不覺得太「輸蝕」。
至於會否購入，富豪直言稍後會再去睇多一次，但主要還是看價錢，「（市傳8萬元一呎）唔係平貴問題，得12伙，同區亦無新樓盤供應，已經唔存在合唔合理，若論回報率一定唔合理……就好似古董咁，睇吓個價同你心目中相差幾遠。」
全幢12伙 設施不多
市場質疑，假若該盤每方呎收取達9元管理費，也許提供特別設施或優質管理服務。本報向發展商查詢，發言人表示，項目設有的24個車位乃有蓋停車場，即每戶車位比例1比2，基座設有1個健身中心。頂層有2個公眾泳池，供全幢12伙住戶使用。另外有3個複式戶各自享有私人泳池。
對於坊間傳出OPUS每方呎管理費高達8至10元水平，太古地產發言人表示，暫時未能確定有關數字，亦未有相關資料。整個項目僅設12伙的OPUS，每層1伙設計，最細面積也達6000方呎，最大為6900方呎。
雖然OPUS設施未致種類繁多，惟業界人士指出，港島豪宅地極為矜貴搶手，鄰近OPUS的聶歌信山道地王，2年前南豐夥拍九龍倉財團以104億元投得，每方呎地價已達3.2萬元，港島地皮有價，因而即使豪宅設施欠奉，仍可高價沽售。
《名人點睇OPUS》
設計損風水
玩具大王 蔡志明
「係咪畸形嗰個樓盤？」可想而知OPUS並非他那杯茶。樓盤外形與內部設計都「麻麻哋」，指「中國人都鍾意地方四四正正，風水都好啲」。而且，OPUS一個單位可能超過四、五億元，以這個價錢，他寧願買獨立屋，故無打算參觀或購買。至於管理費，他認為每月萬多元才可以接受。
寧買獨立屋
賭王三太 陳婉珍
OPUS售價「貴咗啲」，以這個價錢，她寧願買獨立屋，但她指出，住分層豪宅有好處，只須支付管理費便安寢無憂，有管理公司負責大小事務，住獨立屋則要聘請專人處理機電水喉問題、打理花草樹木及泳池等等，比較花心機。
屬你情我願
卓能集團主席 趙世曾
未曾參觀OPUS，最近亦無時間去睇樓；對於OPUS有機會創出全港最高呎價，他表示，近月香港樓價不斷向上，在利息不跌的情況下，樓價好難跌。至於管理費每呎9元，「太古嘅管理一向都OK，最重要係商業市場你情我願，你收咁貴，都要有客畀先得，值唔值就無得評論。」
回報不吸引
威利國際主席 莊友衡
盛讚OPUS位置優越、設計獨特又擁有無敵景，可惜呎價太貴，「買來收租，假設月租100萬元，一年收千多萬，收益率只得2厘。」出租回報不吸引之外，該盤租金之高根本好難覓到租客，只有跨國企業或基金公司才有機會租給員工居住。但他指出，在淺水灣租一間有靚景的獨立屋，月租都是20萬至30萬元，OPUS相對不吸引。
