英國博彩公司Betfred喺聯賽剩番7輪、曼聯喺榜首領先5分嗰陣提早派彩，話曼聯攞硬冠軍㗎嘞！點知之後形勢逆轉，曼聯輸番轉頭，家同曼城同分，得失球差過對手排次席，相信曼城好大機會封王，到時Betfred又要向買咗曼城冠軍嘅球迷派彩，分分鐘蝕成50萬鎊（約630萬港元）。另外，里奧費迪南（圖）着上曼聯下季新波衫示人，佢似唔似着咗塊枱布上身呢？