馬德鐘夫婦前晚與霍啟山現身灣仔君悅酒店遊艇推廣活動，有指陳嘉桓因狼吻事件患創傷後遺症看精神科醫生，馬德鐘表示：「唔知，每個人身體唔舒服睇醫生係好，希望佢快啲好番。」可會致電慰問？他表示：「冇佢電話，希望佢冇事，喺呢度問候佢。」
馬德鐘撐唯唯
馬德鐘透露有留意梁烈唯的風化傳聞：「同佢拍過《飛虎》，佢非常好人，好專注工作，我唔信佢做呢啲嘢，做男藝人幾無辜，之前同太太同朋友聚會又話我去夜總會，嗰度樓下有夜總會，夠有教堂。」
霍啟山代表家族遊艇生意出席活動，他表示：「10月喺南沙會搞大型遊艇展覽會。」問到與胞兄啟剛婚事撞期，他說：「一件私事，一件工作事，總知我會參加10月展覽會，婚事係家庭事，由哥哥去講。」
採訪，攝影：梁錦雯