王馨平噚日喺長沙灣出席高球活動，講到有傳佢曾為舊愛鄭嘉穎墮胎，佢話：「呢啲莫須有嘅新聞唔使回應，好彩記者有打嚟問回應，起碼有得畀我回應吓。」馨平仲話獲老公體諒：「唔知係咪水瓶座嘅人豁達，佢EQ好高，適合做藝人，佢支持我繼續喺娛樂圈。」上年王馨平出咗隻碟，稍後會有歌迷聚會，佢話10年冇搞過類似活動，所以好期待。