車路士嘅喜訊！加利卡希爾同大衛雷斯兩位中堅已經復操，可以趕及喺嚟緊星期六嘅歐聯決賽上陣，因為泰利同伊雲洛域要停賽，所以佢哋嘅復出可以話係及時雨，但穩陣起見，領隊迪馬堤奧唔會派佢哋踢英超煞科戰。另外，今日對布力般嘅比賽好可能係杜奧巴（圖）最後一次喺史丹福橋踢波，所以車路士球迷打算喺比賽嘅11分鐘向佢致敬。