【本報訊】深水埗鬧市警員開槍擊斃刀手案，揭露俗稱「水房」的黑幫「和安樂」內訌廝殺全面失控，幫中猛人高佬發因前年欽點嫡系人馬「肥威」及「三寸」冧莊當坐館及揸數，得罪「業仔」為首的少壯派，各自僱用刀手追斬。有人誓言絕不妥協：「唔係你死，就係我亡！」記者:徐雲庭、張家豪、周鴻熙
前晚9時許，青山道128號大煲皇小廚食客眾多，被視為「業仔」頭馬綽號「肥啟」的黃光啟（45歲），與3名手下坐在後巷位置，邊煲煙邊吃飯，一部白色私家車駛至門外，當肥啟結賬離開時，車上5名蒙面刀手包圍肥啟狂斬。
此時，西九龍總區交通警員「阿乙」巡經，立即擎槍喝止，其中一名刀手郭永基（36歲）揮刀撲來，一聲槍響，郭背部右背肩胛骨中槍倒地，其他刀手四散，受傷刀手送院終告不治。
高佬發買起肥啟手腳
警方事後翻看附近閉路電視，證實兩刀手登車逃去，兩人則徒步逃竄，5名刀手全是中國籍男子。現場遺下刀手的頭套、鴨舌帽及一把鋒利開山刀，警方調查後相信是「水房」自己人鬼打鬼，正全力搜捕4名在逃刀手，並追查幕後主腦。
事件震驚黑白兩道，消息指，肥啟是業仔人馬，與高佬發為敵，今次事件疑涉及高佬發親信「大口」，有說是他替高佬發「落單」買起肥啟的手腳。據幫會中人稱﹕「兩幫人馬去年底已宣佈開戰，差佬想㩒都㩒唔住。」
消息又透露，高佬發與業仔份屬同門兄弟，如今因爭坐館勢成水火，現年57歲，身高逾六呎，綽號「高佬發」的趙毓發，十多歲加入水房，是幫中金牌打手，38歲成為水房最年輕坐館，94年高佬發中槍後退出，在幕後指點江山，歷屆坐館一直是其嫡系。
游擊戰術自設巡邏車
不過，幫中「四二六」紅棍業仔，最近撈外圍及毒品風生水起，成為能與高佬發拗手瓜的新晉力量，「業仔唔妥高佬發長年話晒事，前年叫子鳳同大孖出嚟爭，結果大家唔妥大家，搞出雙坐館鬧劇，各自為政。」
自此，幫中分裂成兩大派，兩年來互相廝殺、撞閘及燒車無日無之，兩幫人馬更採取「游擊戰術」，自組巡邏車隊，刀手乘車在街頭尋仇報復，而幫中大佬則離港避風頭。「每次大佬離開香港去旅行，就係班做嘢嘅時候。」
本來水房元老「神仙錦」能化解兩人恩怨，因高佬發與業仔都是他的門生，但神仙錦因早前參與暗殺黎智英及李柱銘，現仍在深圳服刑，據悉，有人已明言「冇彎轉，兩個只能活一個。」
水房內訌引發廝殺示意圖
