金塊同湖人打生打死，不過周四第6場激戰，金塊後備中鋒「鳥人」基斯安達臣（圖）就唔見人；原來美國傳媒報道，警方到基斯位於道格拉斯郡嘅屋企搜查，發現同網絡兒童色情罪行有關嘅物品，而金塊亦即時將佢踢出球員名單，仲無限期禁止佢出席球隊活動。雖然基斯仲未被警方控告，但睇嚟有排煩。