英超煞科戰莊家明顯調低了入球「大」的賠率。翻查近季紀錄，入球「大」只是稍稍偏多，所以策略上不妨先揀一場入球「細」為值博的賽事作重心；當中以諾域治對阿士東維拉入球「細」有2.05倍是最吸引。
維拉護級成功是好彩，本身在第2循環只贏過兩場；若不是西布朗逼和保頓，今仗還要震騰騰。維拉得以不死是靠悶和對手，這隊波鋒力不強，今仗未必有能力取得入球。至於諾域治當然比維拉好，但要大炒亦不容易，尤其是維拉近期靠防守食糊，不會一下子改變策略。
另一場心水是史篤城「大」。煞科戰入球「大」比例只是稍偏高，但原來護級戰相當利「大」，可能是球隊需要豁出去，更加有利交收；只要搶分一方落後，更加會全力進攻。
史篤城主場「大」晒
今季剩下兩場護級戰，昆士柏流浪對曼城戰略應是求和。曼城應變能力不強，昆士柏有機會越守越順，何況「入球大細」中位數調高至3.5球，不算值博；反而保頓一定要贏，必然進取。但史篤城主W偏熱，似乎莊家看淡保頓可留級，信莊家眼光，史篤城主場謝幕有鬥志，只要史篤城早段入了一球，便很容易入球滾滾來。「大」有1.75倍，應有頗大機會開出。如果想博好賠率，可考慮史篤城[-1]開「主勝」，正路劇本應是保頓焗攻下不幸被大炒。
黃國英
入球大細過關
星期日26諾域治細（2.05）x
星期日27史篤城大（1.75）2x1