王君馨、周美欣同余仁生新抱陶君薇等，前晚喺灣仔出席講柬埔寨販賣兒童同雛妓嘅電影《無法無天》首映，王君馨話剪短髮後多咗人追：「最近識咗個好愛主嘅男仔，好享受一齊祈禱嘅過程，希望了解佢內心多啲。」陶君薇睇過《無》片兩次，又去過柬埔寨探訪，佢話：「全球有好多兒童俾人不斷虐待，搞到精神錯亂，希望外界可以多啲關注佢哋。」