劉德華在圈中人緣甚佳，他喜獲小龍女，當然得到一眾圈中好友的祝福。
陳慧琳：
我戥華仔開心，希望佢三年抱兩，小龍女健健康康，快高長大。我想提華仔，我有兩個仔可以同佢對親家呀。
杜汶澤：
我相信呢個女對華仔嚟講係最大嘅禮物，佢為演藝界拼搏咗咁多年，犧牲咗好多，呢段時間好應該有返自己嘅家庭生活。華仔家乜都有，最好係送上無限祝福，我或者會送補品畀朱麗倩。
華仔天地成員歐陽妙芝：
我好戥老大興奮，好似自己生女咁開心。生小朋友係天賜，希望大嫂（朱麗倩）可以追多個BB，老大再添丁發財。我之前去韓國旅行買咗B女衫畀老大做禮物，我又考慮買補品畀大嫂補身。
苗僑偉：
佢未打畀我喎，不過如果真係生咗，梗係開心啦！我哋未有通電話，佢知我忙緊劇，我又知佢忙緊，或者遲啲得閒至搵佢，傳授吓湊細路心得。
黃秋生：
我唔知係咪生咗喎，冇人通知點探呢，如果真係通知咗當然會恭喜祝賀佢哋，不過等華仔想講先。
