孫燕姿之前喺結婚一周年前夕公佈懷龍B，家佢當然要留喺屋企安胎。日前燕姿嘅老友突然喺微博貼咗張燕姿嘅大肚相，引嚟一陣哄動，原來張相係燕姿多年前扮大肚影嘅。可能燕姿見咁多人想知佢近況係點，噚日佢就真係貼咗張自己嘅近照出嚟，相中佢着住件花衫，個肚依然唔係好大，身形完全冇乜變化，唔怪得佢都鬼馬留言話：「看得出來嗎？」