啱啱喺新伊館開完兩場演唱會嘅大肚婆羅敏莊，噚日同老公陳國邦出動去咗中環ifc行街，佢哋去咗蘋果店朝聖，陳國邦仲即時買咗部NewiPad。可能佢哋好少去中環行街，所以一路行一路都要不停問人，想搵番個停車場入口。見陳國邦又問保安又問詢問處，最後終於搵到個入口，而大肚婆羅敏莊就一直好整以暇不時摸住個肚，露出一副滿足樣。