羅霖昨日與孻仔劉子晉和黃婉曼等，出席一個廚藝記者會。入得廚房出得廳堂的羅霖，開心表示兒子遺傳了她喜歡下廚的因子，母親節將至，羅霖甜說兒子已準備了新iPad作為禮物。同場黃婉曼試過為男友下廚，但卻未煮過給媽媽吃，為此她感到不好意思。
羅霖與孻仔劉子晉、馬詩慧與兒子王躍穎，以及雷有暉與兒子MattMatt，昨日在銅鑼灣出席now寬頻電視舉行的「小煮角終極大決戰」記者會，他們即場炮製簡單美食，但已令三位家長甜在心頭，羅霖更獲囝囝子晉咀嘴。
三歲顯廚藝
子晉三歲時，羅霖已發現他有入廚天份，子晉現時六歲已懂煎荷包蛋和公仔麪。羅霖又表示三位兒子會夾錢買iPad4G作為母親節禮物，大叫好sweet。她又指婚前十分輪盡，媽媽不准她入廚房，就連做空姐，父母也擔心她做不來，她說：「公司訓練我哋，如果遇到好強嘅氣流，就要搵個人攬住，有次真係遇到好強嘅氣流，我眼明手快搵咗個年輕男仔攬，我個仔都遺傳咗我鍾意靚嘢。」
黃婉曼扮蠢
同場的黃婉曼表示一個人住時，偶有下廚，男友F君也曾試過她的廚藝，問到男友的評分，她笑說：「乜都話好食，我試過煮牛扒、心形蛋，反而未煮過畀媽咪食，我都覺得唔好意思，可能今個母親節會煮畀佢食。」她坦言懂廚藝未必能綁住男友心，最重要是夠蠢：「佢貪我夠儍。」有否為男友媽媽下廚，她說：「冇，我哋見過面，但唔係咁好。」與男友感情穩定，父母又催婚，不過黃婉曼覺得一切順其自然。
採訪、攝影：黃曉妍
