蘋機會：搶影奧運預賽　OM倫敦開炮

蘋機會：搶影奧運預賽　OM倫敦開炮

倫敦奧運在即，今次咁啱嚟到主辦國公幹，小記亦感受到當地熾熱氣氛。在無心插柳下，更隨住人群入場睇預演賽。但手中只有一部小相機，預咗齋睇無得影，殊不知OM小相機竟備12.5倍光學變焦、雙重防手震兼Multi-Recording功能，絕對「炮」力驚人！

記者、攝影：韓繼聰

12.5倍變焦　強拍體育賽事

根據原來計劃，本來只是到倫敦Stratford，借奧運主場館試OM新機，殊不知遇正「LondonPreparesSeries」預演賽，一場嚟到豈會錯過搶睇奧運預演賽嘅機會？先睇由東道主英國迎戰阿根廷嘅女子曲棍球，手中相機仔SH-25MR竟一啲都唔失體；24mm廣角影晒全場WideShot，開盡12.5倍光學變焦，300mm長炮火力更係攝盡球員精采動態，估唔到機仔都滿足到運動攝影嘅要求。
不過要試真章，室內拍攝先考功夫。轉戰AquaticsCentre睇英國對匈牙利女子水球賽，雙重防手震即見實力，Zoom盡依然無手震引致嘅鬆散情況，將球員英姿盡收鏡下。加上在全新iHS技術下，無論相機起動及對焦速度都比一般輕便相機來得更快，最高連拍速度更可達至60fps，影動態畫面真係適合不過！

■機仔細細但內藏24-300mm天涯鏡，旅行絕配。

■利用魚眼濾鏡拍下倫敦奧運主場館，感覺更圓潤可愛。

■O囗亦是奧運場館之一，陳奕迅早排都開過演唱會。

■嚟得倫敦，順道睇埋英超，都係靠支300mm強影球員。

■曲棍球賽快上快落都無手震。

■同時影低廣角及特寫，捕捉珍貴鏡頭。

■廣角鏡足以拍攝全個場館，影風景都咁啱。

包攬熱門分唇

睇外表，SH-25MR唔算特別Sharp醒，但勝在四平八穩，體積不大，亦相當輕巧，袋喺褲袋無難度。極Sharp紫紅色機身已夠搶眼，內涵就更吸引，1080p全高清拍片、30個場景模式自然係必備，過癮特效Filter更增至12種，要乜有乜，更可配合MR功能，同時拍低原相及濾鏡後照片，相當方便。仲有GPS可記錄相片拍攝位置、AdvancedBeautyMode大玩美顏修飾、計埋3D拍攝，真係差唔多盡攬當今相機熱門分唇。其實Stratford奧運公園面積相當大，內有多個場館，慶幸有部萬能機仔頂住檔，如果需要出動大炮真係孭機都累死，對懶人嚟講，SH-25MR作隨身或旅遊相機，都係絕對首選。

■濾鏡特效令主場館旁紅色巨塔，更具氣勢。

■調校WB時有埋預覽畫面，非常貼心。

■可快速轉換多個功能，可惜未有手動模式。

英人有Say
家姐Rosie

估唔到咁細部Zoom得咁遠，其中一個球員係我朋友，咁就離遠都可以影到佢。

細妹Sarah

好多功能，見有GPS㖭，不過我最鍾意都係佢嘅粉紅色機身，好靚呀！

路人Luca

我入場睇波只求叫喊吓，好少影相，不過呢部機咁輕便，真係可以考慮吓。

OlympusSH-25MR

感光元件：1,600萬像素1/2.3吋CMOS
變焦：12.5倍光學變焦（24-300mm）
光圈：F3.0-F5.9
屏幕：3吋輕觸式
特別功能：全新iHS技術、AdvancedBeautyMode、12個魔術濾鏡、GPS全球定位系統、1080p全高清拍片
查詢：Olympus（23762150）