前動作女星呂少玲嘅媽媽上月逝世，噚日喺紅磡福澤殯儀館搞喪禮，呂少玲朝早約11點現身，佢頸上掛住亡母嘅身份證副本，呂少玲受訪時話：「媽媽走嗰陣好安詳，佢係我心目中嘅大英雄，係最偉大嘅女人，佢對人人都好，教我哋要做善事幫人。」呂少玲又話：「家姐成日話我係宅女，搞好媽媽身後事，我要追番拍戲時失去嘅時光，會讀書同打波。」