城市電訊電視台揸弗人王維基噚日接受商台訪問，話近排經常去現場睇拍劇進度：「工作人員好辛苦，每日拍咁多個鐘只得飯盒食，研究緊好似外國咁，每日整三餸一湯畀大家。」講到電視台牌照，王維基話好有信心政府一定批：「希望有二、三百個小時儲備劇先發牌仲好，雖然唔可以喺大氣電波播，但啲劇都可以賣埠。」佢話最遲明年1月1號開台。