【趣趣地】湖人球星拜恩（圖）早前將佢戴過個面罩拎出嚟拍賣，經過129輪叫價後，呢個底價250美元、有Kobe親筆簽名嘅面罩，喺星期二以天價67,100美元（約52萬港元）成交！拜恩今次做善事之餘，仲講笑話睇吓邊個咁笨，走去買個發晒汗臭嘅面罩。而筆善款就會用嚟幫助洛杉磯嘅青少年流浪漢。球迷得到心頭好，又做埋善事，實為一舉兩得。