《我得寵》有些人視寵物為玩具，興致一過便把牠們棄之不顧，但其實有否想過寵物會是人類寂寞時的最佳靈藥？薛凱琪（Fiona）曾患抑鬱症跌入人生谷底，更一度想了結生命，幸好上天此時賜予大膽貓Ponyo打開她的心扉，成功陪伴Fiona度過最黑暗的日子。
採訪：麥佩儀
自小Fiona家中先後養過混種狗南南和北京混西施狗冬冬，不過一直未有想過養貓。08年Fiona因發生很多不快事，結果不幸患上抑鬱症，她回憶當日病發時玩自閉匿在家中避見任何人，Fiona身邊密友也發現她情緒不妥，而曾跟她合作舞台劇而成為好友的梁祖堯，剛巧他的愛貓生下幾隻貓BB，就割愛送一隻給Fiona，貓咪Ponyo現時已三歲多。
回想當日揀中Ponyo，Fiona表示與牠好像很有緣：「我去到祖堯屋企睇，一見到Ponyo就覺得佢好得意，我問佢鍾唔鍾意我？佢又喵一聲，我再問帶佢返屋企好唔好？佢又再喵一聲，結果我就帶佢返屋企。」
相依為命伴左右
Ponyo其實是日本卡通片《崖上的波兒》中波兒的英文名，Fiona解釋：「我睇完套戲，覺得波兒係好有愛同純情，我話如果我養咗乜嘢寵物，都一定要叫Ponyo。」Ponyo如何幫Fiona度過她患上抑鬱症時的難關？Fiona表示當時自己閒時在家中會把窗簾拉上，熄了所有燈，家中毫無人氣，自己感到孤獨無助。但自Ponyo出現後，Fiona花上大部份時間照顧牠，變相令她少了時間胡思亂想。
若有心事，Fiona亦會當Ponyo是傾訴對象，她更形容自己和Ponyo相依為命：「我同Ponyo去過好多地方，佢陪過我返公司、打泰拳、打邊爐、去西貢食海鮮，我當咗佢好似狗咁，其實貓唔係唔可以出街，只係佢哋細膽，只要習慣咗係冇問題。」不能否認，Ponyo對Fiona的抑鬱症是有一定幫助。
人棄我取不分離
雖然Fiona近日忙於綵排7月紅館處女個唱，不過她依然堅持每日回家後，也會抽少許時間跟Ponyo和另外兩隻同樣約一歲多的花貓Tissue和暖暖玩耍。當年Fiona的朋友在街上執到被遺棄的Tissue和暖暖，原本已有人領養，但當Fiona養了牠們一段時間就產生感情，最後不捨送給朋友，因此養成現在一屋三貓加一狗南南的熱鬧狀況。Fiona謂：「大家養咗寵物，佢哋就會認定你，寵物真係好需要主人嘅愛護，所以做主人對佢哋都要一心一意。」
痛失愛犬喪喊
Fiona和媽咪之前其實一直只養狗，包括南南和冬冬，南南亦是她在街上執回來養，當時牠已相當年老，不過經Fiona和媽咪悉心照顧下，雖然已十多歲，現在依然相當健壯。
聞噩耗失控
反而冬冬早幾年已過身，Fiona表示：「冬冬死嗰日我仲喺內地拍戲，一接到電話已經失控咁喊，連妝都花晒。」原來Fiona媽咪因曾被貓抓傷，因此不喜歡貓，但眼見Ponyo對Fiona的影響，現在對牠當然寵愛有加。
