趣趣地：紐亞廣告玩轉前輩美亞

德國門將紐亞戴起假髮，穿上復古球衣，幫可口可樂賣廣告（圖）！廣告入面，紐亞扮番傳奇門神美亞嘅搞笑一幕：喺球場度捉鴨仔。當年，「黑燕子」美亞喺比賽入面得閒得滯，見到場上有隻鴨走過，打算撲去捉住佢，點知畀隻鴨走甩咗，成為佢職業生涯中最燒鬚嘅事。紐亞喺廣告扮番前輩，唯一唔同嘅係，佢成功捉得住隻鴨仔。