法國教練白蘭斯公佈咗歐國盃大軍外流球員嘅初選名單，入面12個人，當然包括列貝利、賓施馬、拿斯尼、艾拉同麥薩斯呢啲必然正選。另外紐卡素孖寶卡比耶同賓艾化今季表現出色，順利入圍。最令人覺得意外嘅係馬隆達都有份，呢位車路士翼鋒今季坐多過踢，狀態麻麻，但白蘭斯解釋，隊波有好多年輕球員，所以需要馬隆達呢類老將壓陣。