曼城領隊文仙尼喺禮拜三嘅訓練，特登捉咗契仔巴洛迪利出嚟訓話，仲畀傳媒影到相，話佢哋足足傾咗10分鐘。家泰維斯扮乖仔，場上表現又好，所以搶咗巴洛迪利嘅正選位，但「腦殘」仍然唔識反省，成日惹麻煩，難怪搞到契爺咁勞氣！有英國傳媒話，文帥嚟緊會大清洗，除咗迪斯高、史提芬沙域同布歷治呢啲熱門，巴洛迪利都可能喺其中。