陳茵媺、謝婷婷、陳浩民和太太、四太梁安琪及吳雨霏（Kary）等前晚到亞博館欣賞LadyGaGa的香港尾場個唱，三度熱捧GaGa騷的婷婷在場內邊飲啤酒邊睇騷，又不時跟友人跳舞，情緒高漲，離開時婷婷面紅紅說：「三場都好好睇。」至於陳浩民先安頓太太入座，然後出外買零食和啤酒，期間GaGa唱快歌時，夫婦也有起身跳舞。
散場時陳浩民大讚這是一世人睇過最好睇的演唱會，Kary也說：「最鍾意電單車嗰part，GaGa好high，成日叫hihihi。」陳茵媺與麥長青太太和女兒一起捧場，男友陳豪因有工作在身未有陪同，她說：「真係好好睇，每首歌都畀佢滿分。」
採訪、攝影：魯萍、陳慧安、彭琮然