小馬雖然俾雷霆首圈橫掃出局，但照計球員都有少少季後賽獎金；不過成為隊中「非洲和尚」嘅奧當（圖），喺隊員間投票後，決定冇份分呢筆獎金。奴域斯基仲好寸咁話奧當真係冇貢獻。雖然獎金唔算多，平均每人只係1.4萬美元（約11萬港元），呢班球星隨時一餐都食晒喇，但多少都反映奧當喺球隊真係人見人憎。