馬刺控衞柏加（左）最近幫一個足球網站拍咗個廣告，而另一位主角就係意大利足球名宿馬甸尼（右）。片中柏加同班朋友打緊波，跑緊步咁啱經過嘅馬甸尼執起柏加拍走嘅波，想射波點知大針，俾打緊波嘅人嘲笑，柏加仲寸爆咁背住個框射個穿針波。唔服氣嘅馬甸尼最後搶走柏加個波，剔兩下波之後一腳射入框，柏加見到都要寫個服字！
