張學友呢幾個多月嚟去咗神州66個城市，演出咗89場巡迴個唱，大前日學友就喺北京完成內地尾場演唱會，學友同經理人陳淑芬喺慶功宴上，同各地主辦商、內地工作人員都依依不捨。今個星期六學友完成吉隆坡最後一場海外演出後，就會返香港準備世界巡演最後9場，各工作人員都話唔捨得，學友話會抑壓情緒，盡量用平靜心情完成演出。