22歲仔嘅快艇「入樽王」比歷克格芬第一季打季後賽，都顯示出佢唔單只識入樽，打波都有用腦；好似周一首圈第4戰，格芬不但攻入30分，幫球隊加時以101:97擊敗灰熊，第2節格芬（右）俾灰熊前鋒蘭度夫（中）侵犯，蘭度夫唔忿氣用心口撞格芬，差啲搞到兩人打交；好彩格芬沉住氣冇出手，球證之後仲判蘭度夫技術犯規，格芬真係賺晒。