衞蘭嘅孖生妹妹衞詩早排話男友向佢求婚，又計劃結婚，衞蘭噚日喺新城受訪，講到俾妹妹爬頭，佢話聽到妹妹嘅喜訊真係好開心同感動，如果妹妹要佢做伴娘，佢一定會答應。衞蘭之前同男友分手，問佢想唔想快啲拍拖？佢話：「想，我想遇到愛我又愛神嘅另一半。」衞蘭透露教會有人追求，但交畀神安排，正如前男友都好好，可惜大家唔夠成熟先分手。