梁詠琪、薛芷倫和何超瓊等前晚到中環慶祝朋友生日，梁詠琪聲稱穿上全屋最鮮艷的服裝來配合派對主題，她表示刻意造人不成功，現在順其自然，稍後會回西班牙探老公及其家人。
梁詠琪、何超瓊、薛芷倫和莊思敏等，前晚在中環出席天機公關高層鄭紹康的生日派對，梁詠琪一身七彩打扮，跟薛芷倫的青色低胸裝同樣搶鏡，薛芷倫更在微博上載與大家姐何超瓊的合照。
贊成伊健結婚
問剛完成台灣演唱會回港休息的梁詠琪，可會趁機造人？她說：「順其自然，唔刻意，希望大家畀耐性，唔心急。之前太緊張同忙，刻意唔成功，遲啲返西班牙探老公同屋企人。」她謂結婚不久，想過二人世界，現在開始請教媽媽級朋友。
有傳舊愛鄭伊健與蒙嘉慧結婚，梁詠琪說：「係就恭喜佢哋，龍年結婚生仔係好事。」提到伊健一向不談婚論嫁，她說：「每人去到唔同階段講唔同嘅嘢，我諗係正常。」她又恭喜剛公佈有喜的孫燕姿，叮囑她要養肥自己和BB。
莊思敏累妹妹
同場莊思敏謂妹妹莊思明與陳司翰分手後已平復心情，常約朋友回家玩。有指李詩韻撬走她另一妹妹莊思華的男友、練馬師告東尼之子告崇恩，莊思敏指李詩韻很無辜，妹妹和告崇恩早已分手，又謂自己睡在病位及家中養兔影響了三姊妹姻緣，已擇日擺風水陣。
此外，何超瓊前晚先去中環出席法國五月節活動，近期網絡23條引起二次創作自由的關注，超瓊說：「每個人創作都有唔同風格，我唔識呢啲，唔方便評論。」提到母親節，她表示會和媽咪吃飯慶祝，問到同性好友俞琤，即充耳不聞走人。
採訪：林嘉慈、王連連
攝影：林德雄