林景是新義安的金牌打仔，脾氣剛烈，打麻雀時曾拍爛麻雀枱。除此之外，江湖上亦流傳他喜歡聽歌，曾收鄧麗君做契女，並曾投資拍電影。
老一輩新義安成員鄭伯憶述，林景年輕時喜歡到旺角新興大廈的五月花酒樓夜總會聽歌，當時一個名為「香港歌舞團」的表演團經常在該夜總會表演，團員包括鄧麗君、尤雅和鮑立，「當時鄧麗君未紅，每逢有鄧麗君表演，林景必定捧場，可以話得係忠實粉絲」。鄭伯說，林景是常客，因而與鄧麗君認識，收了他做契女，「當時冇擺酒正式上契，所以件事冇乜人知。後來鄧麗君紅咗，佢哋就冇乜聯絡」。
投資拍戲 爽快科水
在八十、九十年代，新義安龍頭家族和高層成員活躍電影圈，林景也有參與，出錢投資開拍《鐵馬騮》、《明月照尖東》等電影，有傳他經常在尖東華懋廣場的迷城相約電影製片開會，「林景份人好爽快，聽完製片同導演講解故事卡士後，就拍板埋股，佢通常會投資兩、三百萬，當時嚟講唔算細數目」。據說林景更試過把幫中金牌打仔的故事美化搬上銀幕，藉此「省靚」社團招牌，吸納多些新血。
《蘋果》記者