余文樂、黃秋生、徐熙媛（大S）同何超儀近日合演由杜琪峯監製、鄭保瑞執導嘅新戲《車手》，樂仔同黃秋生噚日出席喺北京舉行嘅記者會。話說戲中有唔少飛車場面，當然有困難同危險，樂仔笑住話：「第一場導演要我飛車，臨拍前佢叫專人揸一次，點知架車就咁撞咗，算我命大！」樂仔本身都有好多靚車，佢話：「男人愛車嘅心態，就好似女人愛鑽石咁。」